Policia shqiptare ka arrestuar një shtetas maqedonas të shpallur në kërkim ndërkombëtar për veprën penale “Shkelje të ligjit kundër sistemit monetar dhe sistemit kreditor”.
Në pranga ka rënë shtetasi R.H, 52 vjeç, banues në Shkup me qëllim ekstradimin e tij drejt Bullgarisë.
“Arrestimi i tij u bë në hyrje të Shqipërisë, sepse gjatë verifikimit të dokumentacionit në sistem, 52-vjeçari rezultoi i shpallur në kërkim ndërkombëtar pasi Gjykata e Blagoevgrad, Bullgari, ka caktuar masën e arrestit ndërkombëtar për veprën penale të lartpërmendur, të parashikuar nga Kodi Penal Bullgar.”– njofton policia.
Maksimumi i dënimit është 8 vjet burgim.
