Ish-deputeti Arben Ndoka ka reaguar pas lajmit se Prokuroria e Krimeve të Rënda ka sekuestruar 40 milion euro pasuri.
Ai shprehet se të tilla lajme janë mediokre ndërsa thotë se ai nuk ka asnjë metër tokë pasuri të sekuestruar ose të pasekuestruar.
Reagimi i plotë i ish-deputetit
Shpesh herë viteve të fundit që pas angazhimit tim në politikë, akuzat ndaj meje hiperbolizohen.
Nuk e di ku janë këto prona që më paskan konfiskuar mua, kur unë nuk kam asnjë metër tokë askund.
Pse nuk e dokumentoni me fakte atëherë meqënëse me papërgjegjshmërinë më të madhe postoni lajme të tilla mediokre? Prokuroria mund të sekuestrojë dhe detin Adriatik, por unë nuk kam asnjë metër tokë të sekuestruar e as të pa sekuestruar. S’ka shans as prokuroria, as portalet, as oficerët gjyqësor profesionist të konstatojnë prona apo firma të falsifikuara që kanë të bëjnë me mua. Akuzat ndaj meje dhe arrestimi im dihet ku e ka bazën..!
Dosja 339/ Prokuroria i sekuestron 40 milionë euro pasuri ish-deputetit të PS-së
