Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

“I preu damarët me thikë”, nëna e Enkeledës tregon si ia vranë të bijën në sy të saj

Nga Klodiana 0

Enkeleda Çapoku është viktima e kunatit të saj, Erdet Çapoku, i cili mbrëmjen e djeshme i ka shkuar në banesë dhe e ka dhunuar, duke e lënë të vdekur. Në momentin që ka ndodhur ngjarja e rëndë në Paskuqan, në shtëpi kanë qenë mamaja e Enkeledës si dhe e bija e moshës 18-vjeçare.

Mamaja e Enkeledës ka treguar për “News 24” se kunati i së bijës ka mbërritur në shtëpi rreth orëve të masnatës dhe ka shqyer derën. Enkeleda e kishte të shoqin në burg, por gjithësesi, ai kishte qenë në dijeni të problemeve që ajo kishte pasur me kunatin.

Erdeti i ishte qepur nga pas dhe e ndiqte ngado, në kafe, në punë e në rrugë. Ai e filmonte dhe nuk e linte të qetë. Edhe pse Enkeleda ishte munduar ta mbante larg, nuk ia kishte dalë dot.

Por ngjarja e djeshme ishte shumë e rëndë edhe për nënë e Enkeledës, e cila tregon se Erdeti ia vrau të bijën në sy, duke i prerë damarët me thikë dhe duke e çarë në pjesën e hundës deri tek faqja.

Gruaja shprehet mes lotësh: Erdhi shqeu deren, Enkeleda bërtiti, erdhi Erdeti na vrau. Burrin e kishte në burg. Unë flija këtu të goca, se shtëpinë time e kam në kat të parë dhe flija këtu me gocat, se ajo e kishte vajzën 18 vjeçe e nuk e lija vetëm. Ky maskarai herë pas herë dilte i bënte presion. Se pati ndejt një kohë këtu te ne, pastaj goca e nxori me qera ke një shoqja vet. Ajo e mbajti një vit pastaj e nxori se nuk paguante qeranë. U mor me drogë me pisllëqe, punë e tij.
Pastaj filloi t’i dalë gocës përpara në rrugë, dilte filmonte kudo ku shkonte goca në kafe me shoqet. Mbrëmë ka qenë duke pirë nëpër lokalet e Paskuqanit, a drogë ka pirë, ku di unë, vetëm kur erdhi, ka shqyer derën, ma futi mua në levë dhe rashë pa ndjenja, pastaj i ra me levë edhe gocës dhe më pas i preu gocës damarët, e preu me thikë te hunda deri te faqja”.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej