“I përkasin personave me precedent penalë”, Artan Hoxha bën deklaratën e fortë: Ambasada Amerikane ka një listë me lokalet ku nuk duhet të shkojnë qytetarët e saj

Gazetari investigativ Artan Hoxha ka deklaruar këtë të mërkurë se në vendin tonë ka shumë lokale në pronësi të personave me precedent penal.

Sipas Hoxhës, Ambasada Amerikane në Tiranë ka hartuar një listë me emrat e këtyre personave dhe i ka bërë thirrje qytetatarëve amerikanë që t’i shmangin këto lokale.

Hoxha tha se Renea shkoi pikërisht në këto zona, duke i dhënë një mesazh edhe qytetarëve të tjerë që të mos i afrohen këtyre ambienteve. Gazetari tha në “Abc News” se policitë lokale nuk guxojnë të afrohen në këto zona.

“Ka një listë të ambasadës amerikane që ua jep shtetasve të vetë dhe i thotë në shumë lokale luksoze ku ne rrijmë me qejf në Tiranë, “mos shko aty”. Te lokali i Edison Begajt në Lungomare nuk guxon polici të kthejë kokën”, tha gazetari Hoxha.