Një nga të dyshuarit kryesorë për supergrabitjen e fundit në aerportin e Rinasit, Klement Çalja vazhdon të jetë nën vëzhgim nga forcat e policisë.
Pasditen e sotme në kuadër të operacionit të koduar “Kusarth”, këtij shtetasi i janë sekuestruar pasuri të paluajtshme dhe aksione në vlerë 500 mijë euro.
Në kuadër të operacionit u kryen veprimet proçedurale dhe u vendos sekuestro preventive për pasuritë e paluajtshme dhe aksioneve në pronësi të tyre, të cilat dyshohet se janë përfituar nga aktiviteti kriminal, si më poshtë:
-1 apartament me sipërfaqe 50 m2, në qytetin Elbasan;
-pasuri e llojit arë + truall me sipërfaqe 500 m2 dhe një ndërtesë e llojit njësi me sipërfaqe 167,9 m2 e ndërtuar mbi këtë pasuri, në vendin e quajtur Kusarth, Elbasan;
-pasuri e llojit arë me sipërfaqe 809,5 m2, mbi të cilën është regjistruar kontrata e sipërmarrjes për ndërtimin e 3 vilave nga 1 kat + nënçati me sipërfaqe 166 m2 secila, me vlerë investimi 15.662.000 secila, në vendin e quajtur Kusarth, Elbasan;
-50 % e aksioneve të një shoqërie në zotërim të shtetasit E.Ç, në vendin e quajtur Bradashesh, Elbasan.
Nga vlerësimi paraprak i pasurive të sipërshënuara, rezulton se ato kapin vlerën rreth 500.000 Euro.
Klement Çala është një nga personat e shpallur në kërkim si i dyshuar për grabitjen e miliona eurove në Aeroportin e Rinasit, pak muaj më parë ku mbeti i vrarë dhe shtetasi Admir Murataj.
