Një shtetas shqiptar i dënuar për tentativë vrasjeje një vit më parë, është ekstraduar ditën e sotme nga Franca nga interpoli shqiptar.
I ekstraduari është 20-vjeçari Klevis Filka. Ai u arrestua nga autoritetet franceze, pas shkëmbimit të informacioneve me palën shqiptare.
Ndaj tij, Gjykata e Dibrës ka caktuar masën ‘’arrest me burg’’ në 22 qershor 2018, por Filka nuk ishte arrestuar dhe për rrjedhojë u shpall në kërkim ndërkombëtar nga policia.
Ngjarja e ndodhur:
Klevis Filka, i ndihmuar nga vëllai i tij qëlloi me armë zjarri ndaj makinës ku ndodheshin shtetasit A.M. dhe A.A. Plumbat kapën A.A. duke e lënë të plagosur në gjendje të rëndë. Ai u shpall në kërkim nga policia, por Filka u ndalua nga autoritetet e sigurisë franceze pas bashkëpunimit midis Interpolit të Shqipërisë dhe Francës.
Ndaj Filkës, rëndojnë akuzat e ‘’Vrasjes me paramendim e mbetur në tentativë’’ dhe ‘’Armëmbajtje pa leje’’.
