Tifozët e Brazilit duhet të qëndrojnë të qetë, pasi vetë Neymar në një intervistë të fundit ka garantuar se do të jetë në formën optimale për Botërorin.
“Mendoj që e kam kohën e mjaftueshme për t’u shëruar dhe për të nisur përgatitjet për Botërorin. Dëmtimi ishte i rëndë, por kam pushuar. Kjo është ana pozitive e kësaj ngjarjeje të keqe për mua.”
26-vjeçari e ka shpjeguar më në detaje programin e tij, kthimin në fushën e blertë dhe në Paris. Më 17 maj do bëjë vizitën e fundit mjekësore, për të marrë miratimin përfundimtar të mjekësve për nisjen e përgatitjeve.
