Ata kishin planifikuar një jetë plot ëndrra pas kurorëzimit të dashurisë së tyre. Por Almenia Karaj dhe Shkumbin Brati u shuan në lule të rinisë si pasojë e aksidentit tragjik në orët e para të mëngjesit të së dielës në aksin Fushë-Krujë-Milot.
“Sa me fat jam që jetën do e ndaj me ty 04.03.2020. Edhe në botën tjetër do të të dua njësoj si sot″ këto ishin fjalët që e reja Almenia Karaj i dedikoi të fejuarit të saj Shkumbin Bratit dy ditë më parë, por fati deshi që ëndrrat e tyre të ndërpriteshin në mesa, pasi një aksident tragjik u mori jetën në afërsi të Thumanës.
Të rinjtë kurorëzuan dashurinë e tyre me fejesë dy ditë më parë. Brati ishte këngëtar që merrte pjesë në festa familjare. Pikërisht mbrëmjen e djeshme ata ishin në një festë ku Shkumbi Brati po performonte live. Pas festës, pak minuta pas mesnate çifti u përfshi në aksident duke humbur jetën.
Në aksidentin tragjik humbë jetën edhe dy shoferët e makinave që u përplasën.
