Pedagogu Afrim Osmani pak ditë më parë humbi brenda 24 orësh dy vëllezërit e tij të infektuar nga COVID-19, ndërsa ishin të shtruar në spital për të marrë trajtim.
Osmani thotë që njëri vëlla ishte me leuçemi akute, por me shenja të lehta të koronavirusit, kurse vëllai tjetër kishte po ashtu simptoma të lehta. Ai thotë se gjendja e tyre u përkeqësua menjëherë dhe për dy ditë humbën jetën.
Teksa dy vëllezërit humbën jetën brenda 24 orëve, Osmanin shprehet se e mundon pyetja: Çfarë ndodhi? Ai kërkon të dijë përse vdiqën njerëzit e tij të afërm, por askush nuk i përgjigjet.
Për këtë arsye ai i ka shkruar një letër kryeministrit Edi Rama, pasi pas gjithë kësaj pedagogu e vë theksin tek mënyra e menaxhimit dhe sjelljes së autoriteteve me trajtimin e pandemisë.
Sipas atij, të sëmurët trajtohen në grup, kurse secili preh tyre ka probleme krejt të ndryshme shëndetësore. Nuk ka konsulta të mjekëve të specialiteteve të ndryshme për një të sëmurë.
Atij i rezulton nga komunikimet e fundit me të vëllain e tij, Astritin se gjendja e tij piskologjike ishte krejt e rënduar, ndërsa e kishte mbytyr dëshpërimi, sepse askush nuk e informonte çfarë po i jepte për kurim dhe si.
