Ambasada amerikane në Tiranë ka kujtuar ish-Sekretaren Amerikane të Shtetit, Madeleinde Albright. Me anë të një njoftimi, ambasada thotë se këtë javë SHBA humbi një legjendë e gruan e parë Sekretare të Shtetit, ndërsa është ndarë për publikun edhe një histori e veçantë e saj.
“Këtë javë ne humbëm një legjendë. Madeleine Albright shërbeu si e para femër Sekretare e Shtetit. Një mendje e shkëlqyer, ajo rikrijoi diplomacinë në shumë mënyra. Disa javë më parë, ShareAmerica pati privilegjin t’a intervistonte mbi karficat e saja të famshme. Lexoni se si ajo përdori për diplomacinë në emër të Amerikës një mjet aspak tradicional dhe shumë efikas, si dhe historitë prekëse pas dy karficave të saja të preferuara” – thuhet në njoftimin e Ambasadës së SHBA-së.
