Një i burgosur shqiptar në Shkup ka humbur jetën në burgun e Idriozovës në Maqedoninë e Veriut.
Bëhet fjalë për shtetasin Xhengis Xhemaili 54 vjeçar, i cili ishte dënuar nga gjykata me 13 vite burg për vrasje.
Mësohet se shqiptari ka pësuar arrest kardiak kur ishte në ajrim.
Sipas Alsat, shqiptari edhe herë të tjerë ishte ankuar për shqetësime në zemër, por nuk kishte marrë mjekim dhe trajtime mjekësore.
Kujtojmë se 54 vjeçari u dënua për vrasjen e Amel Zverotiç. Ky i fundit u qëllua në afërsi të liqenit Treska në vitin 2006, për një borxh prej 100 mijë eurove, shumë që i detyrohej 54-vjeçarit.
