Një 77-vjeçar në Kosovë ka humbur jetën si pasojë e koronavirusit. Numri i viktimave në Kosovë rritet në 28. Raportohet se i moshuari ishte nga Rahoveci ndërsa ka pasur edhe sëmundje shoqëruese.
77-vjeçari ka pasur edhe sëmundje kronike të veshkave dhe ka qenë në dializë. Nga raporti 24 orësh i Klinikës Infektive në Kosovë, bëhet e ditur se në klinikë aktualisht janë të shtruar 8 pacientë pozitivë për Covid-19.
Pesë raste janë në gjendje të qëndrueshme, 3 raste janë në trajtim me oksigjeno-terapi dhe përkujdesje intensive. Po ashtu, nga klinika, sot lirohen 5 pacientë të shëruar nga infeksioni me Covid -19.
