Ditën e djeshme ka ndërruar jetë në moshën 16 vjeçare ylli britanik Mya-Lecia Naylor.
Mya ishte pjesë e serialit të njohur të fëmijëve “Millie Inbetween” dhe në shfaqjen popullore “Almost Never”.
Agjencia e saj, A&J Management, tha se ngjarja ndodhi pasi Naylor u rrëzua, duke mospërcaktuar qartë se çfarë kishte ndodhur.
“Jemi të tronditur dhe tmerrësisht të trishtuar për lajmin. Mya ka shkëlqyer në ekranet tona, si në ‘Millie Inbetween’ dhe në “Almost Never” dhe është e paimagjinueshme që ajo nuk do të jetë pjesë e udhëtimit tonë. Ajo ishte një aktore shumë të talentuar, balerinë , këngëtare dhe një model i vërtetë për brezat e rinj “, është shprehur Alice Webb, drejtore e BBC për fëmijë.
Aktorja lindi në Warwickshire në vitin 2002, e filloi karrierën e saj në moshën 2-vjeçare në vitin 2004 në shfaqjen e BBC, Absolutely Fabulous.
