Gazetari investig, Artan Hoxha ka bërë publike një video, për një nga viktimat e Shkodrës, i cili ka filmuar vetë një komunikim me dëshmitarin e vrasjes së 14 Nëntorit 2018.
Në emisionin “Java në RTSH”, u publikua video, në të cilën dallohej si njëri prej viktimave paralajmëron vdekjen e tij. Bëhet fjalë për Astrit Bilalin, i cili ka filmuar vetë një komunikim me dëshmitarin e vrasjes së 14 Nëntorit 2018.
“Në video është zëri i Astrit Bilalit që flet me një dëshmitar, i cili ka parë motorin dhe vrasësit e atentatit të 14 nëntorit 2018 në Shkodër. Bëhet fjalë për vrasjen e Fatos Ferracakut 41 vjeç dhe plagosjen e Fatmir Mehajt 49 vjeç. Autorët ishin dy persona me motor dhe të maskuar me skafandër. Video është realizuar nga vetë Astrit Bilali, i vrarë më 30 mars 2019”– tha gazetari investigativ Artan Hoxha, teksa shtoi se Bilali ka komunikuar disa herë me të në lidhje me vrasjet në Shkodër.
https://youtu.be/pHUbLVWHy0w
