Sot është 5 Maji, Dita e dëshmorëve të Atdheut. Kabineti qeveritar dhe personalitete të tjera të LANÇ kanë bërë homahe në Varrezat e Dëshmorëve.
Presidenti Ilir Meta dhe Kryeministri Edi Rama kanë qënë të parët që kanë vendosur kurora në monumentin “Nënë Shqipëri”.
Gjatë fjalës së tij, teksa vlerësoi sakrificën e shumë të rinjve dhe të rejave për liri, Meta bëri sërish thirrje për dialog, sipas tij për të nderuar dëshmorët e atdheut.
“Është një ditë e veçantë për të gjithë popullin shqiptar, Është dita e Qemal Stafës dhe të gjithë të rinjve dhe të rejave të Shqipërisë për ti kthyer Shqipërisë lirinë e saj. Është një ditë reflektimi për të vendosur në plan të parë intersat e vendit përmes dialogut dhe bashkëpunimit në mënyrë që ëndrrat e tyre të realizohen plotësisht, që të nderojnë sic duhen kujtimin e atyre që kanë bërë sakrifica”, tha Meta, duke iu referuar edhe situatës politike.
