Prej 9 vjetësh babai refuzon vajzën që u martua me egjiptian: Të të shikoj duke vdekur …
Një histori e tillë u prezantua edhe në episodin e parë të emisionit “Dua të bëj të lumtur” në Top Channel. Alesia, vajza e Marsidës i është drejtuar emisionit për t’i mundësuar një takim me gjyshin e saj, të cilin nuk e ka takuar asnjëherë. Nëna e saj, Marsida ka 9 vjet që nuk flet me të atij, prej momentit që zgjodhi të martohet me bashkëshortin e saj. Kundërshtia e babait të saj në këtë zgjedhje ishte racore, për shkak se djali është pjesëtar i komunitetit egjiptian.
Ajo u dashurua në moshën 18-vjeçare dhe duke hasur në kundërshtinë e babait, vendosi të ndjekë zemrën. Marsida sot ka tre fëmijë Alesia, Ermir, Sibel dhe është e lumtur me bashkëshortin e saj, por ka ende një boshllëk në zemër, dashurinë për babain.
“Babai nuk e pranonte për shkak të racizimit”, thotë ajo.
“Dua të të bëj të lumtur” e gjeti të atin e Marsidën dhe i paraqiti mesazhin e saj. I ati nuk pranoi të falte të bijën, madje tha edhe fjalë të rënda vajzën e tij.
“Ta shikoj rrugës duke vdekur, shqelmin do t’i vë në gurmaz”, u shpreh ai.
E pavarësisht këtyre fjalëve që Marsida deri diku i kupton, ajo thotë: “Më fal, je një baba i mrekullueshëm, çdo vajzë do të ëndërronte për një baba të tillë, lëre zemrën të veprojë.”
Marsida është e bindur se një ditë i ati do të ndryshojë mendje dhe do të takojë dy mbesat dhe nipin e tij, të cilët ishin të ftuar në studio.
Por, derisa kjo të ndodhë, “Dua të të bëj të lumtur” vendosi të lumturojë fëmijët duke iu dhuruar lodra, ndërsa vetë Marsida siguroi një vend pune.
