Leicester City është hirushja e Premier League. Pasi ka mundur 1-3 edhe Manchester City në fushën e këtij të fundit, tashmë skuadra e vogël kuotohet si favorite për të dalë kampion.
Kompanitë e basteve të paktën e shohin në këtë mënyrë, tani që skuadra e Ranierit është shkëputur gjashtë pikë nga ndjekësja më e afërt që është pikërisht Manchester City.
Tekniku italian megjithatë qëndron me këmbë në tokë, por është i ndërgjegjshëm që skuadra e tij modeste po bën një kryevepër. Sipas Ranierit nuk i duhet besuar shumë kuotave të basteve. “Në fillim të kampionatit, thotë ai, vihej bast që unë do të isha trajneri i parë që do të largohesha nga puna. Tani jam në krye dhe më bëjnë favorit. Kë duhet të besoj?”
Sa për kronikë në Etihad Stadium për Leicster shënoi dy herë Huth dhe Mahrez për Manchester City Aguero pothuaj në fund të takimit.
