Mjekja e kandidates për presidente të Shteteve të Bashkuara të Amerikës, ka deklaruar e Hillary Clinton është e shëndetshme dhe e aftë që të shërbejë si Presidente e SHBA-së.
Sipas mjekes, Lisa Bardack, Clinton vazhdon që të përmirësohet pasi u diagnostikua me pneumoni. Publikimi i dosjes mjekësore të Clintonit vjen pasi të njëjtën gjë e bëri edhe rivali i saj republikan Donald Trump. Disa ndihmës të ish-Zonjës së Parë thanë se ajo do të kthehet në fushatë sot (të enjten) pasi e ka kaluar problemin shëndetësor që i shkaktoi probleme në fundjavë.
Në kuadër të publikimit të dosjes së Clintonit, zyrtarë të fushatës së saj thanë se gjendja e saj fizike është normale, ndërsa ajo mendore e shkëlqyer. Sipas tyre, kura me antibiotikë dhe pushimi kanë bërë që Clinton të rimëkëmbet shumë mirë.
