Juventus do të përballet me AS Monako ndërsa Real Madrid C.F. përballet me Atletico Madrid. Kështu u përcaktua sot shorti i hedhur në Nion të Zvicrës për përballjet gjysmëfinaliste të Champions League. Siç duket dy skuadrat spanjolle do të përballen me njëra-tjetrën për të dalë në finale njëra prej tyre, e cila më pas përballet me fituesin e sfidës Juventus-Manako.
Ndeshjet e para gjysmëfinale do të luhen më 2 dhe 3 maj, ndërsa ato të kthimit më 9 dhe 10 maj.
Ndërkohë që gjithë vëmendja e fansave të futbollit ishte në Nion të Zvicrës për të mësuar përballjen e dy gjysmëfinaleve të mëdha, organizatorët e këtij kompeticioni kanë dështuar në lidhjen direkt. Këtë gjë ata e kanë pranuar edhe vetë, në website-in e tyre zyrtar ky i kërkonin fansave të prisnin për pak çaste.
Fatmirësisht lidhja direkt është bërë sërish e mundur në momentin kur nga shporta është nxjerrë emri i parë i skuadrës gjysmëfinaliste.
