Kryeministri Edi Rama u pyet këtë të martë nga gazetarët në lidhje me nisjen e hetimeve nga SPAK për ish-presidenti Ilir Meta. Gjatë një konference të përbashkët për shtyp me kryeministrin e Luksemburgut, Xavier Bettel, Rama zgjodhi t’i mos i përgjigjej pyetjes, duke thënë se e ka parim që nuk flet përpara miqve që duhen respektuar për akuza dhe probleme të politikës së brendshme.
“Për pyetjen e dytë unë nuk flas kurrë në prezencë të miqve që na vijnë nga jashtë. Asnjëherë, ky është parimi im. Politika e brendshme nuk është një fushë që na takon ne si mikpritës të përfshijmë miqtë që jemi këtu për t’i nderuar. Nuk flitet në gjuhë të huaj për probleme të politikës së brendshme për kundërshtarë politik, apo për akuza dhe stërakuza politike. Më vjen keq por për pyetjen e dytë nuk do t’u japë asnjë përgjigje”, tha Rama.
