Në debatin e shembjes së Teatrit Kombëtar edhe artistët janë ndarë në dy kampe. Po ndërsa disa janë pro e të tjerë kundër, tashmë debati ka kaluar në ofendime personale.
Mirush Kabashi, trazoi situatën me deklaratat e forta në protestën e fundit kundër prishjes së godinës, duke recituar disa vargje të poezisë ‘Hakërrim’ të Ali Asllanit, ndërsa akuzoi për censurë drejtorin e Teatrit Kombëtar, Hervin Çulin,
“Natyrisht që ka censurë. Ajo ka kaluar nga pushteti në teatër. Jemi më keq se në diktaturë. Problemi kryesor është ligji për teatrin”, tha Kabashi.
Kjo deklaratë ka sjellë reagimin e drejtorit të Teatrit i cili shkruan se Mirush Kabashi ‘grabiti’ rrogën në Teatrin Kombëtar për 15 vite rresh dhe u ngjit në skenën e TB vetëm me një shfaqje.
Culi shkruan:
“Hahahaha! Zotëria “hani pini dhe rrëmbeni”, pasi “grabiti” për 15 vjet rrogën ne Teatrin Kombëtar, ka filluar te recitoje patologjikisht mediave gjoja se i dhemb shpirti për godinën e Teatrit Kombetar.
Ky individ qe morri rrogën 15 vjet dhe u ngjit ne skenën e TK-se vetem me nje shfaqje, është objekt per librin e rekordeve Gines. 100 milion leke (te vjetra) ka perfituar me statistike ne 15 vjet zoteria qe fuste karten ne bankomat pa u skuqur fare.
Nese ndonje nga miqte me gjen diku ne Europe, Amerike, Australi ose ne Hene apo ne Mars nje “grabites” te tille, ju lutem miq te me beje me dije. Nderkohe individi “hani pini dhe rembeni” eshte edhe nje mashtrues ordiner.
Me akuzon sonte tek emisioni i Eni Vasilit si censor te programit artistik te institucionit. Por kaq gënjeshtar ordiner është saqe shembullin e shpik aty per aty, duke ju marre fjala si memec, dhe ja ve ne goje regjisorit Altin Basha.
Tmerr!!! Genjen me zerin e tjetrit! Gënjeshtari ordiner thotë se unë i kam kerkuar regjisorit Basha tekstin e veprës “Gomari i Babatasit” per ta kontrolluar përpara se te jepja lejen per tu shfaqur ne skenën e TK-se.
Altin Basha dhe Rita Gjeka, amani, nese ju kam kërkuar tekstin ma thoni se une i shkreti se mbaj mend, po ma thoni aman, se mendja e shkrete ne keto kohe te turbullta nuk i dihet ne ç’drejtim te paditur rreshket.
