Mbani lotët. Historia e këtij njeriu është frymëzim. Në këto ditë që në Shqipëri një nga temat më të diskutuara është mizoria e kryer në kampet shqiptare, nga shqiptarët, ndaj shqiptarëve krahasimi me historinë e hebrenjve nuk është aspak e tepruar. Por nëse shqiptarët nuk mundi t’i shpëtojë asgjë nga vetvetja, për disa hebrenj dielli lindi përsëri.
Në videon e mëposhtme tregohet historia e Nicholas Winton. Ai u ka shpëtuar jetën 669 fëmijëve hebre. U deshën 50 vite që ky fakt të njihej botërisht dhe që ai të merrte falenderimin e merituar, jo vetëm nga ata që i dedikojnë jetën por nga kushdo që e do këtë botë një vend më të mirë.
“Ky burrë u ftua në një spektakël në televizion. Por nuk e kishte të qartë pse të gjithë ata që e rrethonin u ngritën në këmbë. Ai është Nicholas Winton. Në vitin 1938 ai nisi shpëtimin e dhjetëra fëmijëve hebre nga Holokausti. Ai i mori fëmijët nga Çekosllovakia drejt Britanisë duke i ndihmuar të gjejnë familje të reja. Asgjë nga kjo histori nuk njihej për 50 vite, derisa e shoqja Grete gjeti një ditar. Aty gjendeshin emrat dhe fotografitë e fëmijëve që Winton kishte shpëtuar. Ajo ia dha këtë ditar një programi televiziv në BBC, në të cilin u ftua edhe Winton. Ai nuk mund ta imagjinonte se çfarë do të ndodhte në atë program.
“Këtu kemi listën e të gjithë fëmijëve. Kjo është Vera Diamant, tani Vera Gissing. Ne e gjetëm emrin e saj në listën e tij. Vera Gissing është me ne sonte. Vera, dua të të them se ti je ulur ngjitur me Nicholas Winton”, tha prezantuesja.
Por ajo nuk ishte e vetmja.
A është dikush tjetër këtu që jeton falë Nicholas Winton? Nëse po, mund të ngriheni në këmbë ju lutem?
Në total Nicholas Winton shpëtoi 669 njerëz nga kampet naziste.”
