Policia jep detaje për helmimin e nxënësve të shkollës 9-vjeçare në Shupenzë të Bulqizës.
Bëhet me dije se një nxënës ka hedhur duke luajtur një spraj me aromë dhe më pas kanë ndjerë shqetësime shëndetësore.
Mënjeherë është njoftuar ambulanca dhe dy të tilla janë nisur me urgjencë drejt shkollës dhe kanë transportuar në spital nxënësit.
Bulqizë / Informacion paraprak
Më datë 24.10.2019, rreth orës 13:10, policia e Bulqizës ka marrë informacion se tek një klasë mësimi në shkollën e mesme në Shupenzë, një nxënës ka hedhur duke luajtur një sprajt ne aromë, ku disa prej nxënësve kanë shfaqur probleme shëndetësore të cilët po marrin ndihmë mjeksore në spital jashtë rrezikut për jetën.
Grupi hetimor po kryen hetimet për zbardhjen e plotë të rrethanave të ngjarjes.
