Presidenti i Kosovës, Hashim Thaçi ka reaguar pas ngritjes së akuzës nga Haga për krime lufte.
Thaçi ka postuar një foto ne kopertinën e faqes së tij të Facebook me logon e UÇK.
Zyra e Prokurorit të Specializuar, me seli në Hagë, e njoftoi publikun të mërkurën se më 24 prill ka paraqitur në Dhomat e Specializuara një aktakuzë për shqyrtim, e cila e ngarkon presidentin e Kosovës, Thaçi, ish-kryetarin e Kuvendit, Kadri Veseli, dhe të tjerë me krime kundër njerëzimit dhe krime lufte.
Kjo akuzë për kreun e shtetit erdhi vetëm disa ditë para takimit të palës kosovare me atë serbe në Shtëpinë e Bardhë për dialogun. Thaçi ishte kryedegociator i palës kosovare, ndërsa kryeministri Avdullah Hoti njoftoi mëngjesin e sotëm anulimin e vizitës.
