Kryeministri i Kosovës Ramush Haradinaj ka thënë se Kosova nuk mund të zhbëhet për hatër të askujt.
Nëpërmjet një statusi në Facebook, Haradinajt shprehet se nuk ka ndarje të Kosovës dhe as nuk do të ketë këmbim territoresh.
“Kosova nuk mund të zhbëhet për hatër të askujt. Nuk ka ndarje të Kosovës dhe as nuk do të ketë këmbim territoresh. Lista Serbe duhet të kthehet në tavolinë dhe të diskutojë për temat e përbashkëta në të mirë të qytetarëve tanë. Ultimatumi është qasje e gabuar dhe formula e vetme është baza ligjore dhe kushtetuese.
Presidenti serb, Vuçiç, duhet ta kuptoj që durimi i Kosovës nuk duhet testuar pa kufi dhe se ne do ta mbrojmë të drejtën tonë. Demarkacioni ka marrë epilogun e duhur dhe LDK ka treguar korrektësi politike në këtë proces”, shkruan Haradinaj.
