‘Fatin tonë e kemi lidhur me lirinë e përbashkët, dhe unë duke qenë njëri prej jush, nuk shkel mbi lirinë e popullit tim’, është shprehur ish-kryeministri i Kosovës, Ramush Haradinaj i cili ndodhet në liri me kusht në Francë.
Nëpëmjet një postimi në rrjetin social ‘Facebook’ Haradinaj, ka falënderuar sërish mbështetësit e tij, ndërsa shtoi se ndihet krenar për popullin shqiptar.
STATUSI I PLOTË I HARADINAJT:
Të dashur bashkëkombasit e mi,
Po ju përcjell nga larg dhe në rrethana të pazakonshme, por edhe me kaq sa po mund tu shoh, jam krenar me popullin tim!
Mbështetjen tuaj të madhe e të pakursyer, gjithandej nëpër Botë, e kuptoj si mbështetje për lirinë dhe egzistencën e Kosovës dhe të secilit prej nesh!
Fatin tonë e kemi lidhur me lirinë e përbashkët, dhe unë duke qenë njëri prej Jush, nuk shkel mbi lirinë e popullit tim.
Juaji Ramush Haradinaj
