Një 46-vjeçar është vënë nën hetim nga policia e Vlorës, pasi ka tentuar të hapë rrugë pa leje. Sipas policisë, 46-vjeçari me inicialet, G. Xh., banues në fshatin Hoshtimë dyshohet se ka hedhur inerte, në afërsi të rrethrrotullimit të fshatit Panaja, me qëllim për të krijuar një rrugë kalimi në drejtim të lokalit të tij.
“Nga specialistët për Hetimin e Krimeve në Komisariatin e Policisë Vlorë u referuan materialet në Prokurori, për veprën penale “Shkatërrimi i rrugëve”, dhe nisi procedimi penal në gjendje të lirë për shtetasin G. Xh., 46 vjeç, banues në fshatin Hoshtimë, Vlorë, pasi dyshohet se ka hedhur inerte, në afërsi të rrethrrotullimit të fshatit Panaja, me qëllim për të krijuar një rrugë kalimi në drejtim të lokalit të tij” – thuhet në njoftimin e Policisë.
