Me rikthimin e Formula 1 këtë fundjavë, piloti britanik i “Mercedes” Lewis Hamilton ndodhet 14 pikë larg shokut të tij të skuadrës Sebastian Vettel dhe kërkon që në garat e ardhshme të familjarizohet me podiumin.
Britaniku beson se për të arritur te fitoret duhet një punë në skuadër dhe këtu nuk nguron të ngacmojë Vettel për të cilin flitet se sezonin e ardhshëm mund të kalojë te “Mercedes” pasi i përfundon kontrata me “Ferrari-n”, raporton “autosport.com”.
“Mendoj se ardhja e Vettel te Mercedes është e vështirë të ndodhë, pasi ai nuk do të më ketë si shok skuadre. E di këtë gjë, pasi ai preferon situatën aktuale te “kokëkuqja”, ku dikush tjetër punon për të”, tha Hamilton. Sot, në pistën e SPA, do të zhvillohen provat e lira të garës së Belgjikës në Formula 1.
