Finalja e Champions League e sezonit 2019-2020 është përcaktuar të luhet në Stamboll, por për shkak të ngjarjeve të fundit, UEFA mund të ndryshojë destinacionin për këtë finale.
Zëvendës-presidenti i UEFA-s, Michele Uva, konfirmoi se ata do të marrin në konsideratë thirrjet për zhvendosjen e finales së Champions League nga Stambolli.
Peticionet po rriten pasi Turqia filloi operacionin e saj kundër kurdëve përtej kufirit sirian, sidomos pasi lojtarët bënë përshëndetje ushtarake pas golit që shënuan të premten ndaj Shqipërisë dhe Francës mbrëmë.
Disa lojtarë u kritikuan për mbështetjen e veprimeve të qeverisë, ndërsa klubi gjerman St Pauli shkoi aq larg sa përjashtoi nga ekipi mesfushorin turk Cenk Sahin, i cili kishte mbështetetur në rrjetet sociale sulmet e qeverisë turke.
Nisur nga kjo situatë, UEFA mund t’ia heq Turqisë organizimin e finales së Champions League për këtë sezon dhe të zgjedhë një shtet tjetër.
