Nga Andi Bejtja
Pas 105 vjet po festojmë pavaresinë, pavarësi që në fakt nuk na hyri shumë në punë. Ta mendosh, pas 105 vjetësh nuk kemi zgjidhur akoma çështjen e pronës: për më tepër kemi shkatërruar territorin, jo vetëm me ndërtimet pa leje; kemi shkatërruar lumenj, pyje etj. Kemi abuzuar me pasuritë natyrore, shumicën e të cilave nuk i menaxhuam dot dhe i vumë në efiçencë vetëm duke ja dhënë privatit që mer 95 dhe i kthen 5 përqind këtij vendi.
Nuk kemi nevojë për pushtues, i krijojme vetë kolonizatorët; çfarë janë të famshmet PPP apo koncensionet pa logjikë? Thërrasim në ndihmë FBI të na luftojë krimin dhe drejtësinë po ia lëmë të huajve.
Atëherë kam një pyetje për çfarë na duhet pavarësia, për çfarë na duhen simbolet? Vetëm për të brohoritur për kombëtaren e futbollit dhe për t’u mburrur që ai që shpiku viagrën është shqiptar.
Që ta gëzojmë pavarësinë nuk kemi nevojë vetëm për ndërrim pushtetesh apo qoftë dhe ndërrim elitash, kemi nevojë për një rend të ri ekonomik dhe shoqëror.
Nejse, hajd’ gëzuar Pavarësinë që nuk na hyri në punë.
