Në një material prej 640 megabajtësh të publikuar nga hakerat e ‘Homeland Justice’, pretendohet se janë ‘email-et’ e kryeministrit Edi Rama. Në faqen e internetit https://homelandjustice.ru/ hakerat kanë ngarkuar dhjetëra materiale që kanë ardhur në adresën e kreut të qeverisë, madje edhe ato që janë fshirë nga inbox.
Ata gjithashtu para disa ditësh kishin hapur një sondazh ku pyesnin qytetarët për materialet që donin të shihnin. Në materialin e publikuar nga hakerat ka përmbajtje të ndryshme nga email-et zyrtare në informacione më kofidenciale.
Mësohet se në dokumentet e publikuara janë edhe denoncime që janë dërguar në postën elektronike të Kryeministrit nga firma private, lidhur me procedurat e tenderave, apo nga zyrtarë të shtetit, që ankohen për eprorët e tyre. Në një prej dokument thuhet se është edhe ankesa e një komisari të Drejtorisë së Burgjeve që ankohet për drejtorin.
Nuk dihet ende se në çfarë mase hakerat kanë mundur të depërtojnë në materialet apo e-mail e drejtuesve të institucioneve, përshi edhe shefin e ekzekutivit, i cili bashkë me drejtuesit e AKSHI-t kanë deklaruar publikisht se sulmet e hakerave janë zbrapsur.
