Presidenti i Serbisë, Aleksander Vuçiç i ka befasuar të gjithë me deklaratën e tij të fundit. Ai është shprehur në një intervistë për TV Pink se i vjen keq për vendimin që ka marrë në lidhje me ndërprerjen e gërmimeve për litium. Udhëheqësi shtoi se me këtë veprim është treguar “presidenti më budalla” në botë.
Këto deklarime Vuçiç i ka bërë teksa ka folur për protestën e aktivistëve për mbrojtje të ambientit përpara ndërtesës së Qeverisë së Serbisë. Ai ka thënë se nuk e kupton pse ata po protestojnë përpara Qeverisë.
“Kur të protestojnë ata duhet të protestojnë përpara Presidencës”, ka thënë Vuçiç duke paralajmëruar edhe përballje me ta, meqë çmimi i litiumit në bursa ka shkuar në 82 mijë e 500 dollarë për ton.
