Numri i shqiptarëve që kanë kërkuar të hyjnë në mënyrë të paligjshme në Mbretërinë e Bashkuar ka qenë sa dyfishi i njerëzve të kombësive të tjera, zbulojnë shifrat e reja të qeverisë angleze.
Rreth 981 klandestinë shqiptarë u zbuluan në hyrje të porteve të Mbretërisë së Bashkuar nga viti 2008 deri në pranverën e vitit 2016, shkruan The Guardian duke u bazuar në statistikat e nxjerra nga Zyra e Lirisë së Informacionit (FOI).
Në këtë shifër të madhe përfshihet dhe një grup prej 50 shqiptarësh, mes të cilëve një grua shtatzënë që u zbulua në një kamion në terminalin Humber në qershor të vitit 2015. Shqipëria nuk është pjesë e Bashkimit Europian, por kufizohet me Greqinë, një vendin i BE-së, dhe mafia e saj është e njohur për policinë angleze si një prej bandave të trafikut të qenieve njerëzore dhe drogës më të pamëshirshme.
Pas shqiptarëve, afganët vijnë të dytët për numrin e emigrantëve të paligjshëm që hyjnë në Angli, me 425 të kapur gjatë së njëjtës periudhë. Më pas vijnë algjerianët (424), iranianët (348), indianët (322), palestinezët (129) dhe vietnamezët (124).
