Ish-kryeministri Sali Berisha, ka krahasuar non gratën e ish-kryeministrit të Maqedonisë së Veriut, Nikola Gruevski me të tijën. Në një intervistë për mediat, Berisha u justifikua duke thënë se Gruevski është larguar nga një proces gjyqësor dhe sipas tij kjo nuk është normale. Ai gjithashtu tha se ka pasur 15 oferta lobimi 15 oferta lobimi për të hequr non gratat dhe nuk i ka pranuar.
“Sa për Gruevskin di që është larguar nga një proces gjyqësor dhe për mua nuk është normale. Hapet një process mund të marrësh dënim të gabuar por kjo nuk është rruga të ikësh. Nuk jam marrë me analizën e tre akuzave që ka bërë por i kam përmbledhur si shpifje dhe nuk kam bërë asnjë lobim dhe mund të kem pasur 15 oferta lobimi për të hequr non gratat dhe nuk kam pranuar, sepse kam ndjekur dy linja, gjykatat dhe i kam vendosur vetes qëllim që të bëj gjithçka për transparencë. Nuk kam patur rezultate spektakolare por pa rezultate s’kam qenë” – u shpreh Sali Berisha.
Kujtojmë se ditën e sotme Departamenti Amerikan i Shtetit shpalli të tjerë emra non grata në Ballkan, ku në Shqipëri ishin ish-deputeti Aqif rakipi dhe pronari i medias, Ylli Ndroqi.
