Disa ditë më parë Sekretarja për Marrëdhëniet me Publikun, Grida Duma, gjatë takimit me ish-të përndjekur tek çadra e lirisë ka pasur një incident. Ajo është dëgjuar nga disa prej viktimave të ish-diktaturës, të theksojë se PD nuk duhet të merret më me ish-të përndjekurit. “Akoma me këta do merremi ne!”, është dëgjuar të ketë thënë Grida Duma. Ky artikulim u dëgjua nga ish të përndjekurit dhe më pas është krijuar një incident, ku shumë prej tyre janë larguar të revoltuar nga qëndrimi i Dumës.
E njëjta situatë po aq përçarëse dhe shkatërruese është zhvilluar dje tek çadra. Zyrtarisht takimi i djeshëm i PD-së me ish-pronarët ishte një dështim, kështu është cilësuar edhe nga drejtuesit e kësaj partie. Përgjegjës për organizimin ka qenë Ervin Salianji, i cili me disa truke dhe mashtrime tentoi të kryente një aktivitet me “porosi” të Lulzim Bashës, që në fakt nuk rezultoi të ishte gjë tjetër veçse dështim i tij dhe Grida Dumës, si organizatorë të këtij aktiviteti.
Grida Duma sulmon dhe dëbon ish të përndjekurit, Ervin Salianji dështon dhe konflikton me ish-pronarët. Dy nga shtresat që mund të quhen “palca e shtyllës kurrizore” të PD-së sulmohen dhe braktisen nga dy individë, që pretendojnë se janë e reja tek opozita.
/citynews.al/
