Sekretari i shtetit dhe zëdhënës i qeverisë, Dhimitris Tzanakopoulos ka folur për vrasjen e minoritarit grek Kostandinos Kaçifa në fshatin Bularat të Gjirokastrës. Ai ka bërë me dije se autoritetet greke janë në komunikim me autoritetet e Shqipërisë.
Duke iu përgjigjur deklaratës së kryeministrit Edi Rama, Tzanakopoulos thotë që tonet e ulëta duhet të respektohen nga qeveria shqiptare dhe se çështja nuk duhet të trajtohet me agresion, kur një jetë është humbur, në mënyrë që të mos ushqehen reflekset e shoqërive.
“Autoritetet greke po ndërmarrin të gjitha veprimet e planifikuara në këto raste për të gjetur saktësisht se çfarë ndodhi me vdekjen e 35-vjeçari Kostandinos Kaçifa në Shqipëri”, u shpreh Dimitris Tzanakopoulos për një stacion televiziv grek, raporton Protothema.
Ai theksoi se nuk duhet të nxitojmë për të nxjerrë përfundime dhe të qëndrojmë në mesazhin strikt të dërguar nga Ministria e Jashtme greke.
http://www.gsh.al/2018/10/29/tone-te-uleta-ska-nevoje-per-agresion-greqia-pergjigjet-rames/
