Sipas mediave greke Komisioneri i Zgjerimit dhe Fqinjësisë, Johannes Hahn po tregohet spektator mbi çështjen e pronave të minoritetit grek në Himarë duke mos marrë një qëndrim të qartë që do të normalizonte situatën.
Ky reagim, apo mosreagim vjen pasi eurodeputetja greke Sofia Sakorafa i është drejtuar me një letër komisionerit Hahn, ku i kërkon atij të vlerësojë nëse veprimet e Shqipërisë me minoritetin grek në Himarë janë në përputhje me standartet europiane.
Sofia Sakorafa në letrën e saj kujton se mbrojtja e pasurisë së pakicave është në qendër të politikës europiane për zgjerimin dhe është një kriter themelor para se Shqipëria të fillojë negociatat e pranimit.
