Zëdhënësi i ministrisë së Shëndetësisë greke, Sotiris Tsiodras dha dje në mbrëmje një konferencë zyrtare ku deklraroi rezultatet e fundit në lidhje me përhapjen e koronavirusit në Greqi.
Tsiodras bëri me dije se janë 117 të prekur në mbarë vendin, përfshirë edhe 66-vjeçarin që vdiq në spitalin e Patras dje që është edhe vdekja e parë e vendit nga virusi i ri.
Ai tha se shumica e rasteve janë regjistruar në rajonin e Atikës, dhe shpjegoi se 82 pacientë ishin infektuar jashtë vendit, 25 ishin të infektuar nga kontakti me 82 të tjerët, ndërsa burimi i infeksionit nuk është gjendur për 25 pacientë.
Gjithashtu Tsiodras tha se 15 raste të mundshme janë duke u testuar, dhe raportoi se 3 pacientë tani janë shtruar në spital në NjQV, ndërsa 2 pacientë të tjerë kanë dalë nga spitali i referencës AHEPA Selanik dje.
