8 persona mes tyre 2 shqiptarë janë arrestuar nga policia greke për akuzën e trafikimit të lëndëve narkotike.
Gjatë operacionit të policisë në vendin e quajtur Mesinia u sekuestruan 946 gram marijuanë, 48.3 gram heroinë, 5630 euro dhe një makinë.
Dy shqiptarët e arrestuar janë të moshës 32 dhe 40 vjeç. Grupi ishte aktiv prej 7 muajsh dhe kishte trafikuar 1.5 kg heroinë dhe 25 kg marijuanë duke fituar 100 mijë euro.
Policia po vijon hetimet për të gjetur bashkëpunëtorë të tjerë të grupit kriminal.
