Autoritetet greke bëjnë me dije se kanë gjetur lëndë shpërthyese në godinën e Ministrisë së Punës të Greqisë.
Bomba është neutralizuar mengjesin e sotëm me anë të një shpërthimi të kontrolluar. Sipas policisë, ka qenë një telefonatë paralajmëruese rreth orës 01.20 të mëngjesit të së hënës që vuri në alarm antiterrorin grek.
Gjithashtu rreth 40 minuta më vonë, në zonë u kryen tre shpërthime të kontrolluara.
Policia greke bën me dije se ende nuk kanë një të dyshuar për ngjarjen, por besojnë se ajo është vepër e organizatave marksiste që veprojnë në vend.
