Pas Italisë, koronavirusi duket se po përhapet me shpejtësi edhe në vendin tonë fqinj jugor, në Greqi.
Një tjetër rast u zbulua në një shkollë në Leheo, Korinth, ku dy nxënës, fëmijë emigrantësh shqiptarë dyshohen për koronavirus. Bëhet fjalë për dy vëllezër me simptoma të ngjashme, kollë, temperaturë, shenja gripi. Çfarë ka shkaktuar shqetësim në gjithë shkollën dhe zonën është fakti që vëllezërit ishin më herët në një udhëtim në Shqipëri, ku u takuan me babain e tyre që jeton në Italinë Veriore, zonë e prekur thellë nga koronavirusi.
Mjekët e spitalit të Korinthit, ku po testohen nxënësit shqiptarë kanë qetësuar prindërit dhe mësuesit, duke shpjeguar se kanë simptoma të lehta.
Autoritetet shëndetësore greke kanë zbuluar edhe 14 raste të reja me këtë virus. Po ashtu, kanë thënë se në total janë zyrtarisht 45 raste të evidentuara të njerëzve të prekur nga koronaviriusi.
