Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Grantet për Rindërtimin, Rama: 80 milion dollarë për të gjitha zonat e prekura

Nga Klodiana 0

Kryeministri Edi Rama i shoqëruar nga ministri i Rindërtimit Arben Ahmetaj ishte sot në bashkinë e Durrësit, ku  është prezantuar shpërndarja e granteve.

Rama theksoi se shuma në total për të gjitha zonat e prekura është 80 milion dollarë, që sipas kryeministrit do të shkojnë drejtpërdrejt te qytetarët.

Kreu i qeverisë u shpreh se  vonesa nga pandemia ishte e konsiderueshme, megjithatë tha se në vjeshtë do të jenë gati shtëpitë e rindërtuara.

“Kemi filluar punën për shpërndarjen e granteve. Jemi shumë të vetëdijshëm se çdo ditë është shumë për njerëzit që presin të hyjnë në shtëpi dhe kemi bërë çmos që ta bëjmë procesin sa më shpejt. Pengesa që na krijoi periudha e mbylljes ka qenë e konsiderueshme. Janë 25 milion dollarë që do të shpërndahen në dorë për të gjitha familjet që kanë të domosdoshme të përmbyllin riparimet. Durrësi problemin kryesor ka njësitë kolektive. Kemi miratuar planin e Spitallës. Kemi një sërë godinash të tjera që do ndërtohen individualisht. Për të gjitha këto jemi në në fazën e procedurës ku do të fillojmë me garat dhe po ecim shpejt me projekt zbatimin e Spitallë, ku do të angazhojmë grupin e krijuar nga princi i kurorës i Emirateve. Po ecet intensivisht kudo dhe është një shumë e konsiderueshme rreth 80 milion dollarë që do të shkojë drejtpërdrejt për qytetarët në zonat e prekura. Ka filluar edhe puna konkrete për shtëpitë individuale, garat kanë përfunduar. Shumë shpejt do të jemi në terren dhe vjeshta do të jetë edhe fillimi hapjes së dyerve”, deklaroi Rama.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej