Sekretari i Përgjithshëm i PS-së dhe udhëheqësi i fushatës në Qarkun e Fierit, Gramoz Ruçi është pritur me protesta në fshatin Zharrës.
Ruçi ka shkuar pasditen djeshme në Zharrës, fshatin e shkatërruar nga shpërthimet e “Bankers”. Banorët e këtij fshati e kanë pritur me protesta, pasi sipas tyre marrëveshja e arritur me qeverinë nuk është mbajtur dhe banorët nuk janë dëmshpërblyer siç janë marrë vesh palët dhe si ka shpallur ministri Damian Gjiknuri.
Banorët i kanë kërkuar Ruçit që qeveria të dëmshpërblejë ata dhe të zbatohen vendimet e marra. Më herët ata bënë një grevë urie dhe erdhën në këmbë deri në Tiranë.
