Një çift bashkëshortësh kanë rënë pre e grabitjes me armë në Korçë.
Policia raporton se rreth orës 03:00 të mëngjesit të sotëm, në fshatin Lumalas, tre persona të maskuar dhe me armë janë futur në banesën e shtetasit me iniciale I.Sh, 60 vjeç.
Nga hetimet paraprake, dyshohet se autorët kanë hyrë në dhomën e gjumit dhe nën presionin e armës kanë mundur të marrin në dy kasaforta me një shumë parash.
Policia bën me dije se shtetasi I.Sh, ka një aktivitet privat në fushën e tregëtisë.
Po punohet për identifikimin dhe kapjen e autorëve, si edhe zbardhjen e rrethanave të ngjarjes.
