Policia e Shtetit ka arrestuar një tjetër person të dyshuar si i përfshirë në grabitjen e Rinasit, duke shkuar në pesë numri i të arrestuarve nga grabitja spektakolare e 9 prillit.
Ai është E.Pikuli nga Fushë-Kruja, dhe arrestimi i tij është bërë nga Interpoli.
Emri i Elton Piklit doli nga përgjimet dhe policia e vuri në pranga teksa po tentonte të arratisej drejt Bullgarisë.
32 vjeçari banonte në qytetin e Krujës, ku edhe punonte si kasap, ndërsa ishte fqinj me Dash Kupën, i arrestuar më parë për grabitjen në Qafë Kashar.
Mësohet se Pikulli do të ekstradohet drejt Shqipërisë nën masa të forta sigurie.
Kujtojmë që në pranga kanë rënë edhe katër shtetas të tjerë. Janë arrestuar F. Beqiraj, Alkond Bengasi, Renaldo Sula dhe Saimir Çela ndërsa emri i personit të pestë nuk bëhet ende i ditur.
