Policia e shtetit ka nisur një operacion masiv për kapjen e autorëve të grabitjes së 3.2 milionë dollarëve në rrugën e Rinasit.
Operacioni po zhvillohet nga ajri dhe nga toka dhe krahas policisë së Tiranës, në aksion janë përfshirë edhe forcat RENEA dhe Forcat e Ndërhyrjes së Shpejtë.
Mësohet se operacioni po zhvillohet në zonën e Prezës dhe Vorës.
Grabitja ndodhi 5 ditë më parë dhe konkretisht ditën e enjte 9 Shkurt, ku automjeti që transportonte lekët e një banke të nivelit të dytë drejt aeroportit të Rinasit u grabit nga të paktën 6 autorë.
