Policia e shtetit ka dhënë detaje të tjera në lidhje me operacionin e koduar “Patriot”, ku u arrestuan katër persona dhe 2 u shpallën në kërkim, në lidhje me grabitjen e 3.2 milionë eurove që ndodhi para 6 ditësh në rrugën e Rinasit.
Këtë herë policia ka dhënë detajet se si i kishin fshehur dhe groposur paratë e vjedhura gabitësit. Ata i kishin futur në një tenxhere presioni dhe më pas i kishin groposur në tokë. Ndërsa një pjesë tjetër e parave u gjend tek kasaforta brenda një servisi makinash.
“Në Vlorë u gjetën në një ambient të jashtëm të groposura dy tenxhere me presion të mbushura me kartëmonedha Paund, Dollarë Amerikanë, Australiane, Kanadeze si dhe Euro. Ndërsa në Vorë tek servisi i familjes Murataj u gjet një kasafortë me një sasi Eurosh e Dollarë”, sqaron policia.
