Një biznes me artikuj të ndryshëm ka rënë pre e grabitësve një natë më parë në qytetin e Elbasanit ndërsa ngjarja është mësuar mëngjesin e sotëm nga pronari kur edhe ka hapur dyqanin.
Mësohet se biznesi ushtron aktivitetin pranë rrugës tregtare në lagjen “Sulë Papri” ku gjenden një seri biznesesh të tjera. Sipas burimeve, grabitësi/it kanë marrë nga arka e dyqanit rreth 500 mijë lekë që gjendeshin në kasë.
Në vendngjarje ka mbërritur policia lokale për të kryer hetimet e rastit, ndërsa deri tani nuk ka pasur një reagim zyrtar nga blutë si dhe informacione mbi hetimet.
Kohët e fundit grabitjet e bizneseve dhe banesave janë shndërruar në një fenomen shqetësues jo vetëm në Elbasan, por në të gjithë vendin ndërsa zbardhjet e tyre janë të rralla.
