Dy karburante janë grabitur mbrëmjen e djeshme dhe konkretisht njëri në rrugën nacionale Krujë- Krastë dhe tjetri në autostradën Tiranë – Durrës.
Për grabitjen në rrugën nacionale Krujë- Krastë policia infromon se: Rreth orës 01:10, në rrugën nacionale Krujë-Krastë, tre persona të maskuar dhe me armë kanë kërcënuar punonjësit e një karburanti ku i kanë marrë lekët e xhiros, rreth 10 000 lekë.
Autorët janë larguar më një mjet tip Audi A 3, ngjyrë gri e errët, me targa AA 771 JG.
Ndërsa për grabitjen në autostradën Tiranë -Durrës policia bën me dije se rreth orës 03:12, në Autostradën Tiranë – Durrës, tek mbikalimi i Rinasit, dy persona (me çorape në kokë), janë afruar tek një karburant, me një automjet, ku njëri nga dy personat dyshohet të ketë pasur armë zjarri. Punonjësi i karburanti sapo ka parë dy personat të zbresin nga mjeti është larguar me vrap.
Duke përdorur mjete të forta kanë arritur të marrin Kasafortën e kësaj pike karburanti, ku në bazë të dëshmive në brendësi të saj ka patur xhiron e dy ditëve, shumë rreth 1.000.000 lekë.
Nga hetimet paraprake dyshohet se janë larguar në drejtim të Durrësit.
Polica po punon për identifikimin dhe kapjen e autorëve ne të dy rastet e grabitjeve.
