Policia ka reaguar për grabitjen e ndodhur mbërmjen e djeshme në një familje në Tepelenë.
Sipas njoftimit të uniformave blu, tre shtetas në orën 21:45 në banesën e tij kanë shkuar tre shtetas të paidentifikuar duke i grabitur shumën e 2 milionë lekëve të vjetra. “Fax News” raporton se tre grabitësit ishin prezantuar si Policia e Shtetit. Muho jetonte me djalin dhe nusen e djalit por keta te fundit nuk gjendeshin dje ne banesë. Policia po shoqeron disa persona banues ne kete fshat për zbardhjen e kesaj ngjarje.
Kallëzimi në polici është bërë nga shtetasi Alim Muho (68 vjeç) banues në fshatin Luzat, Tepelenë. Grupi hetimor po punon për identifikimin dhe kapjen e autorëve, si dhe për zbardhjen e rrethanave të ngjarjes.
Reagimi nga policia Tepelenë:
Rreth orës 00:20 të datës 28.11.2021, shtetasi A. M., 68 vjeç, banues në fshatin Luzat, Tepelenë, ka njoftuar se rreth orës 21:45 të datës 27.11.2021, në banesën e tij kanë shkuar tre shtetas të paidentifikuar (të pamaskuar dhe të paarmatosur), të cilët i kanë marrë shumën 200.000 lekë të reja.
Shtetasi A. M. ka kallëzuar para shërbimeve të Policisë se ka qënë i vetëm në banesë dhe tre personat e paidentifikuar nuk kanë ushtruar dhunë mbi të.
Menjëherë pas marrjes së njoftimit në vendngjarje kanë shkuar shërbimet e Policisë. Grupi hetimor po punon për identifikimin dhe kapjen e autorëve, si dhe për zbardhjen e rrethanave të ngjarjes.
